Ուշադրություն

18 մայիսի, 2020

Ռումինական իշխանությունների կողմից տրամադրված փաստաթղթերի ժամկետների երկարաձգման վերաբերյալ տեղեկացնում ենք հետևյալը.

- Ռումինիայի ներքին գործերի նախարարության միգրացիայի գլխավոր ինսպեկտորատի (Inspectorate General of Immigration) կողմից տրամադրված և արտակարգ դրության ընթացքում (մարտի 16-ից մինչև մայիսի 15-ը) վավերականության ժամկետը լրացած փաստաթղթերի գործողության ժամկետը ինքնաբերաբար երկարաձգվում է 90 օրով: Նույն սկզբունքը վերաբերում է նաև ռումինական իշխանությունների կողմից տրամադրված կացության կարգավիճակի մասին փաստաթղթերին:

-Երրորդ երկրների քաղաքացիների՝ մուտքի արտոնագրերով Ռումինիայում գտնվելու իրավունքը պահպանվում է ժամկետը լրանալուց հետո 90 օրվա ընթացքում: Հետևաբար նշված ժամկետներում երրորդ երկրների քաղաքացիների գտնվելը Ռումինիայում համարվում է օրինական, սակայն ռումինական իշխանությունները հորդորում են լքել Ռումինիայի տարածքը մոտակա հնարավորության դեպքում:

- Մուտքի արտոնագրերը, որոնք երրորդ երկրների քաղաքացիները ստացել են, սակայն չեն կարողացել մուտք գործել Ռումինիայի տարածք SARS-COV-19 համավարակի սահմանափակումների պատճառով, ինքնաբերաբար չեն երկարաձգվում: Նման պարագայում անհրաժեշտ է դիմել ծագման/բնակության վայրում գտնվող Ռումինիայի դեսպանություն:

- ԵՄ տարածքում ոչ անհրաժեշտ ճամփորդությունների սահմանափակման վերաբերյալ 08.05.2020թ. ընդունված փաստաթղթի համաձայն՝ մինչև հունիսի 15-ը ճամփորդական սահմանափակումները վերաբերում են նաև Ռումինիային:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր