Հանդիպում Բուխարեստում հավատարմագրված դիվանագիտական ներկայացուցչությունների ղեկավարների ամուսինների հետ

12 դեկտեմբերի, 2019

Դեկտեմբերի 12-ին Բուխարեստի հայկական մշակութային կենտրոնում, Ռումինիայում ՀՀ դեսպանի տիկնոջ հրավերով, հյուրընկալվել էին Բուխարեստում հավատարմագրված դիվանագիտական ներկայացուցչությունների ղեկավարների ամուսինները (SPOHOM):

Հանդիպման սկզբում հյուրերը դիտեցին Հայաստանի զբոսաշրջային վայրերի մասին պատմող տեսահոլովակ` ծանոթանալով Հայաստանի զբոսաշրջային գրավչություններին ու հնարավորություններին։

Հյուրերին նաև ներկայացվեցին հայոց լեզվի և այբուբենի յուրահատկությունները` նշելով, որ հոկտեմբերի 12-ը Ռումինիայում հայտարարված է հայոց լեզվի, այբուբենի և մշակույթի օր, իսկ հայկական տառարվեստը և դրա մշակութային դրսևորումներն ընդգրկվել են ՅՈՒՆԵՍԿՕ-ի Մարդկության ոչ նյութական մշակութային ժառանգության ներկայացուցչական ցանկում, ինչից հետո անցկացվեց տոնածառի խաղալիքների վրա հայկական տառեր և զարդանախշեր նկարելու աշխատարան:

Հանդիպման ավարտին հյուրերը համտեսեցին հայկական ավանդական համեղ ուտեստներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր