Հռիփսիմե Մարգարյանի աշխատանքների ցուցահանդես

15 մարտի, 2019

Մարտի 15-ին Ռումինիայում ՀՀ դեսպանությունում տեղի ունեցավ ճանաչված և սիրված ժամանակակից հայ նկարչուհի Հռիփսիմե Մարգարյանի աշխատանքների ցուցահանդեսը:

ՀՀ դեսպան Սերգեյ Մինասյանն իր բացման խոսքում նշեց, որ դեսպանությունն ուրախությամբ հերթական անգամ իր դռներն է բացել հայ արվեստագետի առջև` նպատակ ունենալով Ռումինիայում ավելի ճանաչելի դարձնել հայկական արվեստն ու մշակույթը: Խոսելով նկարչուհու մասին` դեսպանը նկատեց, որ նրա ներդաշնակ ու գեղեցիկ ստեղծագործություններում ռիթմի, գույնի, գծի ու տարածության կտրվածքով են արտահայտված արվեստի հանդեպ նկարչուհու ունեցած անսահման սերն ու նվիրումը։
Ցուցահանդեսի բացմանը ներկա էին նկարչական արվեստի գիտակներ և երկրպագուներ, ռումինահայ համայնքի ներկայացուցիչներ:

Տեղեկանք․ Հռիփսիմե Մարգարյանը 1998թ. ավարտել է Երևանի պետական գեղարվեստի ակադեմիան: 1999թ. Հայաստանի նկարիչների միության և «Դիզայներների միջազգային միության» անդամ է, 2000թ.՝ նկարիչների միջազգային միության (ՅՈՒՆԵՍԿՕ) անդամ։ 2012թ. «Վալմար» արվեստի սրահի տնօրենն է։ Հռիփսիմեն մշտապես մասնակցություն է ունեցել հանրապետական ցուցահանդեսներին, ինչպես նաև իր աշխատանքներով ներկայացել Եվրոպայի, Միջին Արևելքի և ԱՄՆ-ի մի շարք քաղաքների մշակութային կենտրոններում:

https://armenpress.am/arm/news/967947.html?fbclid=IwAR1rQptpkMTd6JRH2sZ13SfxtpDgIJTF3dAV9p9J24Cqn3a2LS05Ajjgzzo

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր