Դեսպան Մինասյանը հյուրընկալեց «Երևանի Եվրոպական Ուսանողների Ֆորում»-ի ներկայացուցիչներին

14 մարտի, 2019

Մայիսի 14-ին Ռումինիայում ՀՀ դեսպան Սերգեյ Մինասյանը հյուրընկալեց Բուխարեստում գտնվող «Երևանի Եվրոպական Ուսանողների Ֆորում»-ի ներկայացուցիչներին: Հայ ուսանողները Ռումինիա էին ժամանել մասնակցելու AEGEE/ Եվրոպական Ուսանողների Ֆորում համաեվրոպական երիտասարդական կազմակերպության գարնանային գլխավոր ասամբլեայի աշխատանքներին, որին մասնակցում էին 600-ից ավել երիտասարդներ եվրոպական շուրջ 40 պետություններից:

Հանդիպմանը ներկա էր նաև UN Youth Romania երիտասարդական կազմակերպության հիմնադիր նախագահ Վահե Հովակիմյանը։

Ողջունելով հյուրերին՝ դեսպանը կարևորեց հայ և եվրոպական երիտասարդության միջև շփումների ու համագործակցության հաստատումը, միջմշակութային շփումների խթանումը և ժողովրդավարական հաստատություններում ու քաղաքացիական հասարակությունում նրանց դերակատարման բարձրացումը:

Շնորհակալություն հայտնելով հանդիպման համար` կազմակերպության ներկայացուցիչները ներկայացրին «Երևանի Եվրոպական Ուսանողների Ֆորում»-ի գործունեության, եվրոպական երիտասարդական կազմակերպությունների հետ իրենց համագործակցության ձևաչափերն ու դրանց շրջանակներում իրականացված ու նախատեսվող ծրագրերի մանրամասները:

Գոհունակությամբ նշվեց, որ Եվրոպական Ուսանողների Ֆորում համաեվրոպական երիտասարդական կազմակերպություն Բուխարեստյան գլխավոր ասամբլեայի ժամանակ տեղի ունեցած քվեարկության արդյունքում որոշում է կայացվել կազմակերպության 2020թ. գլխավոր ասամբլեան անցկացնել Երևանում։

Դեսպան Մինասյանը շնորավորեց կազմակերպության ներկայացուցիչներին այդ կապակցությամբ` հաջողություն մաղթելով նրանց նման պատասխանատու նախաձեռնության իրականացման գործում:

Հանդիպման մասնակիցները քննարկեցին համագործակցության խորացման հնարավորություններն ու կատարվելիք քայլերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր