Ֆաշիզմի դեմ հաղթանակին նվիրված արարողություններ Բուխարեստում

08 մայիսի, 2018

Մայիսի 8-ին Բուխարեստի Խորհրդային զինվորների գերեզմանոցում տեղի ունեցավ Հաղթանակի օրվա 73-րդ տարեդարձին նվիրված հանդիսավոր միջոցառում և ծաղկեպսակների զետեղման արարողություն: Ռումինիայում ՀՀ դեսպան Սերգեյ Մինասյանը` ի թիվս այլ դեսպանների, ծաղկեպսակ զետեղեց 1944-1945թթ. ընթացքում Ռումինիայում զոհված խորհրդային զինվորների հուշարձանին:

Մայիսի 9-ին դեսպան Սերգեյ Մինասյանը մասնակցեց նաև Ռումինական պետության անկախության, Երկրորդ համաշխարհային պատերազմում միացյալ ազգերի կոալիցիայի հաղթանակի և Եվրոպական միության օրերին նվիրված հանդիսավոր արարողությանը` Բուխարեստի Երկրորդ համաշխարհային պատերազմի հերոսների հուշահամալիրում:

Միջոցառումներին մասնակցում էին Ռումինիայի քաղաքական, հասարակական, մշակութային կազմակերպությունների և տեղական ինքնակառավարման մարմինների ներկայացուցիչներ:

Նույն օրը դեսպան Մինասյանն ու իր տիկինը մասնակցեցին Եվրոպայի օրվա առթիվ Ռումինիայի նախագահական «Կոտրոչեն» պալատում կազմակերպված պաշտոնական ընդունելությանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր