Դեսպան Մինասյանը հանդիպեց դեսպան Ն. Գ. Միհայ Գրիբինչայի հետ

06 մարտի, 2018

Մարտի 06-ին Ռումինիայում Հայաստանի դեսպան Սերգեյ Մինասյան'ը հանդիպեց Ռումինիայում Մոլդովայի դեսպան Ն. Գ. Միհայ Գրիբինչայի հետ։

Հանդիպմանը զրուցակիցները քննարկեցին երկկողմ հետաքրքություն ներկայացնող մի շարք հարցեր: Դեսպան Մինասյանը զրուցակցին ներկայացրեց Հայաստանի արտաքին քաղաքականության հիմնական ուղղությունները, հայ-ռումինական հարաբերությունների առանձնահատկությունները` հատուկ կարևորությամբ նշելով ռումինահայ համայնքի դերակատարությունը, իսկ դեսպան Գրիբինչան` Մոլդովայի և Ռումինիայի հարաբերությունների առանձնահատկությունները:

Կողմերը քննարկեցին տարածաշրջանային անվտանգության, Ղարաբաղյան հիմնախնդրի, Արևելյան գործընկերության անդամ երկրների տարածքում զինված հակամարտությունների կարգավորման, ազգային փոքրամասնությունների իրավունքների պահպանման և այլ հարցեր:

Զրուցակիցներն անդրադարձան նաև նախորդ տարվա նոյեմբերին Բրյուսելում ստորագրված ՀՀ-ԵՄ համապարփակ և ընդլայնված գործընկերության համաձայնագրին, ինչպես նաև երկկողմ և բազմակողմ ձևաչափերում համաձայնագրի ընձեռած հնարավորություններին:

Դեսպանները պայմանավորվեցին շարունակել պարբերական շփումները՝ երկուստեք հետաքրքրություն ներկայացնող հարցերի քննարկման նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր