Դեսպան Մինասյանը հանդիպեց Ռումինիայում Գերմանիայի դեսպան Քորդ Մեյեր-Կլոդի հետ

23 փետրվարի, 2018

Փետրվարի 23-ին Ռումինիայում Հայաստանի դեսպան Սերգեյ Մինասյանը հանդիպեց Ռումինիայում Գերմանիայի դեսպան Ն. Գ. Քորդ Մեյեր-Կլոդի հետ։

Հանդիպմանը զրուցակիցները քննարկեցին երկկողմ հետաքրքություն ներկայացնող մի շարք հարցեր: Դեսպան Մինասյանը զրուցակցին ներկայացրեց Հայաստանի արտաքին քաղաքականության հիմնական ուղղությունները, հայ-ռումինական հարաբերությունների առանձնահատկությունները` հատուկ կարևորությամբ նշելով ռումինահայ համայնքի դերակատարությունը, իսկ դեսպան Մեյեր-Կլոդը` Գերմանիայի և Ռումինիայի հարաբերությունների ներկա վիճակն ու առանձնահատկությունները՝ հատուկ շեշտադրելով տնտեսական բաղադրիչը:

Զրուցակիցներն անդրադարձան նախորդ տարվա նոյեմբերին Բրյուսելում ստորագրված ՀՀ-ԵՄ համապարփակ և ընդլայնված գործընկերության համաձայնագրին, ինչպես նաև երկկողմ և բազմակողմ ձևաչափերում համաձայնագրի ընձեռած հնարավորություններին:

Դեսպանները պայմանավորվեցին շարունակել պարբերական շփումները՝ երկուստեք հետաքրքրություն ներկայացնող հարցերի քննարկման և հնարավոր ծրագրերի իրականացման նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր