Բուխարեստի Սրբոց Առաջնորդանիստ Մայր Տաճարում նշվեցին Տեառնընդառաջը և Բուն Բարեկենդանը

18 փետրվարի, 2018

Փետրվարի 18-ին Բուխարեստի Սրբոց Առաջնորդանիստ Մայր Տաճարում մեծ շուքով նշվեցին Տեառնընդառաջը և Բուն Բարեկենդանը:

Պատարագիչն էր Ռումանիոյ Հայոց Թեմի առաջնորդ գերշ. Տ. Տաթև եպիսկոպոս Հակոբյանը: Պատարագին ներկա էին Ռումինիայում ՀՀ Արտակարգ և լիազոր դեսպան տիար Սերգեյ Մինասյանը, հյուպատոս Աշոտ Գրիգորյանը, Ռումինիայի Հայոց Միության նախագահ Վարուժան Ոսկանյանը, թեմական ու ծխական խորհուրդների անդամներ, հավատացյալներ ու հյուրեր: Հավարտ Սրբոյ Պատարագի Առաջնորդի կողմից ընթերցվեց Ն.Ս.Օ.Տ.Տ. Գարեգին Բ Ամենայն Հայոց կաթողիկոսի Հայրապետական Կոնդակը՝ նվիրված Հայաստանի առաջին Հանրապետության 100 ամյակին:

Թեմակալ Առաջնորդի օրհնությամբ, Բուխարեստի ծխական խորհրդի և Տիկնանց Միության ջանքերով տոնական միջոցառում էր կազմակերպվել եկեղեցու պարտեզում: Նախ Տաթև սրբազանի ձեռամբ վառվեց Տեառնընդառաջի ավանդական խարույկը, հնչեց հայկական ժողովրդական երգն ու պարը, այնուհետև տեղի ունեցավ հյուրասիրություն՝ պատրաստված Բուխարեստի Տիկնանց Միության կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր