Դեսպան Մինասյանը հանդիպեց Վասսիլիս Պապադոպուլոսի հետ

15 փետրվարի, 2018

Փետրվարի 15-ին Ռումինիայում Հայաստանի Հանրապետության արտակարգ և լիազոր դեսպան Սերգեյ Մինասյանը հանդիպեց Ռումինիայում Հունաստանի դեսպան Ն.Գ. Վասսիլիս Պապադոպուլոսի հետ։

Դեսպան Մինասյանը զրուցակցին ներկայացրեց Հայաստանի արտաքին քաղաքականության հիմնական ուղղությունները, հայ-ռումինական հարաբերությունների առանձնահատկությունները` հատուկ կարևորությամբ նշելով ռումինահայ համայնքի դերակատարությունը, իսկ դեսպան Պապադոպուլոսը` Հունաստանի և Ռումինիայի հարաբերությունների ներկա վիճակն ու առանձնահատկությունները:

Այնուհետև, Սերգեյ Մինասյանը դեսպան Պապադոպուլոսին ներկայացրեց Լեռնային Ղարաբաղի հիմնախնդրի խաղաղ կարգավորման գործընթացը, վերջին զարգացումները, ինչպես նաև գործընթացի առաջ մղման ուղղությամբ Հայաստանի և ԵԱՀԿ Մինսկի խմբի եռանախագահների համատեղ միջնորդական ջանքերը։

Հանդիպման ընթացքում կողմերը նաև մտքեր փոխանակեցին ընդհանուր տարածաշրջանային մարտահրավերների ու սպառնալիքների շուրջ։ Դեսպանները պայմանավորվեցին շարունակել պարբերական շփումները՝ երկուստեք հետաքրքրություն ներկայացնող հարցերի քննարկման և հնարավոր ծրագրերի իրականացման նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր