Դեսպան Մինասյանը հանդիպեց Ռումինիայում Ֆրանսիայի դեսպան տիկին Միշել Ռամիսի հետ

30 հունվարի, 2018

Հունվարի 30-ին Ռումինիայում Հայաստանի արտակարգ և լիազոր դեսպան Սերգեյ Մինասյանը հանդիպեց Ռումինիայում Ֆրանսիայի դեսպան տիկին Միշել Ռամիսի հետ։

Դեսպան Մինասյանը զրուցակցին ներկայացրեց Հայաստանի արտաքին քաղաքականության հիմնական ուղղություններն ու առաջնահերթությունները, տարածաշրջանային խնդիրների և դրանց լուծման ուղիների վերաբերյալ Հայաստանի մոտեցումները։

Այնուհետև, դեսպան Մինասյանն ներկայացրեց ընթացիկ տարվա հոկտեմբերին Երևանում կայանալիք Ֆրանկոֆոնիայի XVII գագաթաժողովի նախապատրաստական աշխատանքների ընթացքը, կողմերը քննարկեցին Ֆրանկոֆոն տարածքում համագործակցության ընդհանուր հարցեր՝ հատուկ անդրադարձ կատարելով համատեղ միջոցառումների անցկացման հնարավորություններին և համագործակցության հեռանկարներին:

Զրուցակիցներն անդրադարձան նաև նախորդ տարվա նոյեմբերին Բրյուսելում ստորագրված ՀՀ-ԵՄ համապարփակ և ընդլայնված գործընկերության համաձայնագրին և երկկողմ և բազմակողմ ձևաչափերում համաձայնագրի ընձեռած հնարավորություններին:

Միշել Ռամիսի խնդրանքով Սերգեյ Մինասյանը Միշել Ռամիսին ներկայացրեց Լեռնային Ղարաբաղի հիմնախնդրի խաղաղ կարգավորման գործընթացը, վերջին զարգացումները, ինչպես նաև գործընթացի առաջ մղման ուղղությամբ Հայաստանի և ԵԱՀԿ Մինսկիխմբի համանախագահների համատեղ ջանքերը։

Հանդիպման ընթացքում կողմերը նաև մտքեր փոխանակեցին տարածաշրջանային և միջազգային մի շարք այլ հարցերի շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր