Հայաստանը շնորհավորում է Վարուժան Ոսկանյանին

28 հոկտեմբերի, 2016

Հայաստանի սփյուռքի եւ մշակույթի նախարարները շնորհավորական ուղերձներ են հղել Վարուժան Ոսկանյանին «Անգելուս» մրցանակին արժանանալու առթիվ:

«Մեծարգո պարոն Ոսկանյան,

ՀՀ սփյուռքի նախարարության և անձամբ իմ անունից սրտանց շնորհավորում եմ Ձեզ Կենտրոնական Եվրոպայի «Անգելուս» 11-րդ մրցանակաբաշխությանը «Շշուկների մատյան» վեպի՝ տարվա բոլոր մրցանակներին արժանանալու առիթով:

Այս հեղինակավոր գրական մրցույթին առաջին տեղը զբաղեցնելը պատիվ է ողջ հայության համար, և ինչու չէ նաև, հայ և ռումինական գրականության մեջ մեծ հաջողություն՝ համաեվրոպական մակարդակով հայկական արժեքները ճանաչելի դարձնելու գործում:

Հպարտ ենք, որ ունենք Ձեզ նման տաղանդավոր հայրենակից, ով քաղաքականությամբ զբաղվելուց զատ, իր կարևոր ներդրումն է բերում հայապահպանությանը և իր բարձր դիրքով, բարի կամեցողությամբ աջակցում նաև համայնքի յուրաքանչյուր խնդրի լուծմանը:

Այն ինչ անում եք Դուք, իսկապես արժանի է բարձր գնահատանքի», հաջողություններ մաղթելով Վարուժան Ոսկանյանին` գրում է Հայաստանի սփյուռքի նախարար Հրանուշ Հակոբյանը:

Իր հերթին շնորհավորելով Վարուժան Ոսկանյանին Անգելուս հեղինակավոր մրցանակին արժանանալու համար` Հայաստանի մշակույթի նախարար Արմեն Ամիրյանը գրում է. «Հպարտանում ենք Ձեր հաջողություններով եւ պատիվ ենք համարում լինել սերնդակիցը Ձեզ պես ճշմարիտ մտավորականի, ով իր ողջ եռանդն ու հնարավորություններն ի սպաս է դնում հայոց պատմությունն ու մշակույթն ըստ արժանվույն աշխարհին ներկայացնելու համար»:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր