Պարգեւատրումներ ռումինահայ համայնքում

28 ապրիլի, 2014

Ապրիլի 27-ին Բուխարեստի Դուդյան մշակութային կենտրոնում Ռումինիայում ՀՀ դեսպան Համլետ Գասպարյանը Ռումինիայի Հայոց Միության գլխավոր քարտուղար Պերճ Մարգարյանին հանձնեց ՀՀ Սփյուռքի նախարարության Ոսկե մեդալը, որին նա արժանացել է երկարամյա հայանպաստ գործունեության եւ ծննդյան 90-ամյակի առթիվ: Դեսպանը ՀՀ կառավարության եւ Սփյուռքի նախարարության կողմից երախտիքի խոսք հղեց ՌՀՄ գլխավոր քարտուղարին` հայապահպանության ոլորտում անգնահատելի ավանդի, համայնքային կյանքի կազմակերպման, կառույցների ձեւավորման ու Մայր Հայրենիքի հետ կապերի ամրապնդման համար:

Նույն օրը Ռումինիայի Հայոց Միության Տարեկան մրցանակին արժանացավ համայնքային կյանքի ակտիվ մասնակից, ռումինահայ վաստակավոր ինժեներ-էներգետիկ Անդրանիկ Շալջյանը:

Պարգեւատրվածների մասին գնահատանքի խոսքեր ասացին ՌՀՄ նախագահ, սենատոր Վարուժան Ոսկանյանը, պատգամավոր Վարուժան Փամբուկչյանը եւ Ռումինիայի Հայոց թեմի առաջնորդ Տաթեւ Եպս. Հակոբյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր