Դեսպան Համլետ Գասպարյանի հանդիպումը Ռումինիայի խորհրդարանի Պատգամավորների պալատի նախագահ Վալերիու Զգոնեայի հետ

04 ապրիլի, 2013

Ապրիլի 4-ին Ռումինիայի խորհրդարանի Պատգամավորների պալատի նախագահ Վալերիու Զգոնեան/Valeriu Zgonea ընդունեց դեսպան Համլետ Գասպարյանին եւ Ռումինիայի Հայոց թեմի առաջնորդ Տ. Տաթեւ Եպս. Հակոբյանին:

Ծավալված ջերմ զրույցի ընթացքում զրուցակիցներն անդրադարձան երկկողմ հարաբերությունների ներկա վիճակին եւ գոհունակությամբ նշեցին որոշ ուղղություններով, մասնավորապես գիտության, կրթության եւ մշակույթի ոլորտներում ծավալվող աշխույժ կապերը, ինչպես նաեւ անցյալ տարվանից սկիզբ առած ապակենտոնացված մակարդակով համագործակցությունը:

Միջպետական հարաբերությունների մեջ կարեւորելով խորհրդարանական դիվանագիտության դերը` Վալերիու Զգոնեան պատրաստակամություն հայտնեց ամենայն կերպ նապաստելու Ռումինիայի եւ Հայաստանի խորհրդարանների միջեւ կապերի թարմացմանը եւ խթանմանը, գործի դնելով թե խորհրդարանների ղեկավարների անմիջական հանդիպումները, թե խորհրդարանական պատվիրակությունների եւ բարեկամության խմբերի միջեւ պարբերական շփումների մեխանիզմը:

Վալերիու Զգոնեան խոստացավ առաջին իսկ առիթով այցելել Հայաստան:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր