Դեսպան Հ. Գասպարյանը DIGI 24 հեռուստատեսության հյուր

04 փետրվարի, 2013

Շաբաթ երեկոյան, ս/թ փետրվարի 2-ին, ռումինական DIGI 24 հեռուստատեսության „Դիվանագիտական անձնագիր” հաղորդման հյուրն էր Հայաստանի դեսպան Համլետ Գասպարյանը: Կեսժամանոց հաղորդման ընթացքում դեսպանն անդրադարձավ Ղարաբաղյան հարցին, հայ-ռումինական առեւտրատնտեսական փոխանակումների վիճակին, ինչպես նաեւ ռումինահայ համայնքի պատմությանն ու նրա ինքնության պահպանության ուղղությամբ Հայաստանի ջանքերին:
Հաղորդումն սկսվեց Հայաստանի մասին պատմող տեսանյութով, ուր անկախության կայացման ճանապարհին խոսվեց Հայոց ցեղասպանության եւ Ղարաբաղի բռնակցման մասին: Հաղորդման մեջ առանձին բաժին էր հատկացված Վարուժան Ոսկանյանի Շշուկների մատյան վեպի հայերեն թարգմանությանը, ինչպես նաեւ ռումինահայ համայնքի, հայրենադարձության եւ ցեղասպանության վերապրողների մասին պատմող երիտասարդ լուսանկարիչ Անդրեա Տանասեի լուսանկարներին: Հաղորդավարը հետաքրքրաշարժ պատմություններ պատմեց նաեւ ռումինահայ հռչակավոր սրճագործների եւ հանրահայտ Արարատ կոնյակի մասին:

Հաղորդման տեսագրությունը կարող եք դիտել այստեղ` http://www.digi24.ro/pasaportdiplomatic/articol/Pasaport-diplomatic-Armenia_77270

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր