Կուստուրիցային, Տարկովսկուն եւ Փարաջանովի նվիրված գրքի շնորհանդես Բուխարեստում

25 հոկտեմբերի, 2011

Ս/թ հոկտեմբերի 24-ին Բուխարեստի կենտրոնական գրախանութներից մեկում ներկայացվեց կինոքննադատ եւ բանաստեղծուհի Ելենա Դուլգերուի “Դրախտի աստիճանները կինոյում. Կուստուրիցա, Տարկովսկի եւ Փարաջանով” գիրքը/Elena Dulgheru, Scara Raiului in cinema. Kusturica, Tarkovski, Paradjanov, ինչպես նաեւ բանաստեղծությունների վերջին ժողովածուն:

Հեղինակին ուղղված շնորհավորական խոսքերով եւ 20-րդ դարավերջի համաշխարհային կինոյի եւ մտքի վրա խոր հետք թողած այդ խոշոր անհատների գնահատումով երեկոն բացեց Հայաստանի դեսպան Համլետ Գասպարյանը, որին հետեւեց Վրաստանի գործերի ժամանակավոր հավատարմատար տիկին Պալիանիի խոսքը:

Ելույթ ունեցան հայտնի կինոքննադատ, դոկտոր պրեֆեսոր Մանուելա Չեռնատը/Manuela Cernat եւ բանաստեղծուհի Լիլիանա Ուրսուն/Liliana Ursu, որոնք հեղինակել էին Դուլգերիուի զույգ գործերի նախաբանները:

Միջոցառմանը ներկա էին կինո եւ գրաքննադատներ, կինոգործիչներ, արվեստագետներ, մշակութային մամուլի լրագրողներ, ինչպես նաեւ Բուխարեստի հայ եւ ռուս համայնքների ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր